آخر كلامك قلت لي منت مجبور

عضو مبتدئ

آخر كلامك قلت لي منت مجبور..
وش رجعك بالله بعدك تبيني ؟!
::
::
وصلتها لفراق ومنت معذور..
أبيع بايع واشتري مشتريني..
::
::
ومادام قلبك خالي احساس وشعور..
ماني بحاجة قلب ماحس فيني..
::
::
ماني على خبرك تمثل لي الدور..
ولاني على كيفك تروح وتجيني..
::
::
واذا الزمن له جور والحب له جور..
جورك على جور الزمن مبتليني..
::
::
ضايقتني حتى وأنا دمي يفور ..
وكذبت في شي حصل شوف عيني..
::
::
كاذب,, أناني,, ميت احساس,, مغرور..
قاسي,, عنيد,, وياخسارة حنيني..
::
::
وشلون أمد الكف والكف مبتور ؟!
من قلبك اللي مايقدر يميني..
::
::
وقتن مضالك مالفى مني قصور..
ماباقي الا أشيلك براحتيني..
::
::
وكتبت فيك حروف وأبيات وسطور..
ليتك تحس وليت قلبك يبيني..
::
::
زرعت فيك الكبر وأصبحت محقور..
وأعميت عيني من رفالة يديني..
::
::
رفعت من قدرك وواجهت بغرور..
وأول وفاك تروح ماتحتريني..
::
::
واليوم ترجع لي عقب غيبة شهور..
ودك تعيد الحب؟! لا ياضنيني
::
::
ماعاد باقي غير أوادعك مجبور..
راحت عليك وياخسارة سنيني..
::
::
العام قلبي يوم ألاقيك مسرور
واليوم عقب الود لاترتجيني..
::
::
واذا ذكرت العشره بقلب مقهور..
تذكر اللي صار بينك وبيني..
::
::
وابعد بعيد وعن فعايلك مشكور..
الربح نفسي والخساره لعيني..
::
::
آخر كلامك قلت لي منت مجبور..
والحين أظنك منت مجبور فيني::

سلمت يداك كلامات رووعة
بانتضار مزيد ابداعك

آخر كلامك قلت لي منت مجبور 552384_427672317286389_1160357800_n

سلمت اناملك مزيد من التميز والابداع

مشرف قسم آفـاق متنوعه الجنس :

يعطيك الف الف عافيه

موضوع رااائع

وجهود أروع

ننتظر مزيدكم

بشوووق