حائط الذكـــــــــــــريات

[center]

حائط الذكــــــريات

تذكر مراسيلك واول ايامٍ تسكنينه

وآخر حروفك يوم عزمتي تقتلينه

ويوم أقسمتي بلحظة ما تتركينه

وان الزعل وهو الزعل ماتقدرينه

وش سالفة فرقاك ياللي تعذلينه

وش قصتك في ذا الجفا اللي تعلنينه

وين طيبك اللي كنتي تبذلينه

وين شذى عطرك اللي دايم تنثرينه

وين أنسك وين همسات لطفك

وتوئم حروفك يالغلا اللي تصحبينه

ليش مسويه حالك ما تسمعينه

اللي غير منطقه لجلك تفهمينه

ليس كل وعد تقطعينه تخلفينه

وبعز انكساره واحتياجه تخذلينه

موغريبه فوق جرحك تطعنينه

ومايبي أحدٍ سواتك تسعفينه

وش جوابك يالغلا اللي تكتبينه

في السؤال اللي لنفسك تسألينه

ليش جالك يشتكي منك أنينه

وكان ظنه مافي غيرك تنصفينه

إن كان له زلةٍ بها تخصمينه

ليش جالك يعتذر وما تعذرينه

معقول بأول هفوةٍ له تهجرينه

ودرب جمعنا صدفة ما ترجعينه

ما اقصد انك يالغلا تتوسلينه

بس لا تخلي بسمة اشفاتك حزينه

اقسى ما في البعد دمعاتك سجينه

واحلى مافي الزين أنك تشبيهنه

كنت أعزك فوق ما تتصورينه

واعز قلبك اللي كنتي تعشقينه

كنت أظنك من فروع الياسمينه

كنت أحسبك كل الغلا اللي تحسبينه

زيكـــــــــــ قلم ــــــــــــو

[/center]