الرائد عضو مؤسس
الجنس :
بطاقة الشخصية لوحة التحكم:
| موضوع: حددت وقت اخصصه للكتابه الأربعاء سبتمبر 19, 2012 11:24 pm | |
|
حددت وقت اخصصه للكتابه باليوم والتاريخ من خوف انساه
...بكتاب يشرح بال كلمن قرابه وان حس ضيق بتالي الليل يقراه ياكثر من يبكي ومحدن درابه وياكثر من خلّى المخاليق تلغاه وياكثر من اخفى بقلبه مصابه وياكثر من بان الحزن في محياه من جور دنيا ما تعرف الرحابه تنهش لحمنا نهشت الذيب بالشاه مع انها ازغر من جناح الذبابه لكن محد لليوم سوّى سواياه نضحك بها و الوقت كله كآبه ولا كل من يضحك هني ٍ بدنياه بعض البشر بالحزن ضيّع شبابه ومع كل هذا ... الضحك ما فارق شفاه واحد يجره مثل جر الربابه واحد يجره من ورى الاااااااخ والااااااااه دنيا غريبه ووقت اكثر غرابه ياكم بها (خميني) وياكم بها (شاه) فيها الحصاني ما تهاب ذيابه وفيها الرمك صاير مع الخيل ممشاه سبحان من خلّى الامور اتشابه ما بين معراج النبي وبين مسراه مُحمّد اللي كل هدي اهتدابه اللي الطهاره نورها في محياه واللي الغنايم من عُرى الدين جابه واللي المكارم كلها بكف يمناه واللي هدى الايمان عطر اثيابه واللي ندى الاحسان اسقى رعاياه واللي شلع للكفر ضرسه ونابه قامت طوابير اليهود اتّبلاه سبو رسول الله وحامل كتابه مُحّمد اللي طهر الارض ماطاه في وقت اسود ما حسبنا حسابه بعد الزمان اللي مع العز عشناه والله لو نمشي بنهج الصحابه ما تنجرح عزّه ولا ينعدم جاه لكن لأن الوقت يكرم اصحابه فصلنا ثوب المذله ولبسناه من قلة الحيله ركعنا لجنابه قال اشلحو ثوب المعزه وشلحناه واللي فتح للناس اوسع ابوابه لو قلة الحيله ابنادم ذبحناه بس البلى ما ظل للعز لابه ولا شيخ يسند لابته يوم تنخاه اذا القرابه ما هو لاقي قرابه وش فيه خير من البعيد انتحراه هذي عطايا الدرب للي مشابه وهذي ظروف الوقت يلي اترجاه وهذي احوال الوقت لا صار غابه لا يسلم الراعي ولا تسلم الشاه الذيب لو ما عاش بين الذيابه الا يتعدى نابح الليل بعواه واللي يتساوى في حضوره وغيابه ياشين مقعاده وياسين ممشاه عيشة رجل من دون قدر ومهابه احسنله لو حضن القبر ضم مثواه ويبقى السؤال اللي بحاجه لاجابه العز يــــ اهل العز وشلون نلقاه؟؟؟؟؟ الشاعر فليح الجبور الصخري
| |
|