قصة حب على النت , حدثت بعد لقاء في غرف الدردشة

قصة حب على النت , حدثت بعد لقاء في غرف الدردشة
التقاها في احدى غرف الدردشة.. لفتت انتباهه برقتها وانفتاحها.. صارا اصدقاء اياما..ادمن عليها. كان اول شيء يفعله حين يصل مكتبه في الصباح ان يحادثها..

يبثها لواعج قلبه.



حكت له كم هي حساسة..



حكت ايضا انها مطلقة.



حكت له عن حياتها كلها.. وسالته بتوسل ان لا يخدعها. بل وحدثته عن امها التي تعيش معها واسرتها.



لم يكن يعتزم خداعها.



كان يعيش حالة عاطفية.. فاقر لها بانه يحبها.



وتمتنت علاقتهما.



مرات كان يحضنها عبر الانترنت بكلماته



ومرات يبعث لها عبق احساسه في همسة دافئة.



وتجرأت وطلبت منه ان يهاتفها.. وفعل.



سمع صوتها وسمعت صوته.



تبادلا بضع كلمات عبر اسلاك الهاتف التي تصل بين بلدين.



بعدها..



بعد هذه الخطوة.. كان صعبا ان ينتقلا الى مرحلة ابعد.



وفجاة بردت العلاقة.. واضمحلت برغم كل ما حاولاه.



ترى.. لماذا؟.



هل لان العلاقات على النت لايمكن ان ترقى لمستوى العلاقات الجدية..



ام لانها علاقات بلا التزام وحين يكون ضروريا ان تتطور الى التزام.. تتشظى؟



ام لان علاقة النت.. تبقى في الاعم علاقة بحدود الشبكة العنكبوتية؟



ام ماذا؟
Diana
09-11-2006, 04:24 مساء
عنجد هيدا هو النت اكبر مكان للخداع في البدايا الانسان بيعمل حالو ملاك مخلص يوهم الطرف الاخر بلحب و الاحاسيس الموزيفه وسرعان ما يسقط القناع المزيف . عندما يجد الضحيه الجديده و يوهمها بي الحب حتا ينسا الاخرى ولا يكترث الى مشاعرها ولا الى ما حل بها من الم وعزاب
. وهذا احد الاسباب الى برودة هذه العلاقات .و انا
اتمنا من كل انسان انو يكون عندو ضمير .وانا بؤل لا كل انسان ان كان شاب او صبيه انون يحذرو من الغدر
والخيانه على النت .الحب علا النت مجراد وهم ثم
وهم.
وهيذا الوهم يزول عندما الانسان يصحو ويجد نفسه
امام الواقع و امام الحقيقه . ويكتشف الانسان الاخر
على حقيقته .هذا هو النت وكلمه اخيره اقولها لا
يجد اي شئ اسمه حب على النت فحذرو الكزب
والنفاق..نصيحا من اختكم Diana :mad:
guest1234
09-11-2006, 09:08 مساء
لأ لأ انا مش معك يا ديانا.الحب الحقيقي عمره ما كان وهم الحب الصادق امرار بينشأ من سماع صوت ومعرفة شخصية الانسان ما نشوف قبل شكله. وعمره ما كان كمان الحب الفاشل دمار وتحطيم قلب .الأنسان ما بعيش على حب واحد كلنا عنا مشاعر بتتحرك لأنسان لما يكون هالقلب محتاج لحدا يحبه.

بالعودة لسؤالاتك رح جاوب حسب قناعتي بالحياة.


هل لان العلاقات على النت لايمكن ان ترقى لمستوى العلاقات الجدية?


العلاقة بس تكون شريفة وطاهرة وبعيدة عن أي نزوة بتنجح وين ما كانت وكيف ما كانت.


ام لانها علاقات بلا التزام وحين يكون ضروريا ان تتطور الى التزام.. تتشظى؟

لما هالحب يكون صادق أكيد حيكون إله نهاية وهي جمع قلبين تحت سقف واحد فأكيد لازم يكون ي إلتزام وعهد بين الطرفين .


ام لان علاقة النت.. تبقى في الاعم علاقة بحدود الشبكة العنكبوتية؟

مثل ما قلت قبل هلأ الحب الصادق بينجح وين ماكان يس لازم يكون في ثقة متبادلة وبعيدة عن الشك ياما ناس حبت بعضها من نظرة وهني عالطريق بس يمكن قصة النت تكون حساسة للشب قد ما بشوف أشكال وألوان فبكون عنده ولو 1 % من الخوف.بس انا بقول يلي بحب بجد لازم يوثق بحبيبه ويشيل أي شك داخله.

شكرآ ديانا موضوع حلو:cool:
Diana
09-11-2006, 09:18 مساء
ya guest al wa7ad ad ma 3am bysma3 be masayeb al net hek sar y2ol akter men hek kaman la2ino fi kter nas kazabe
ana ma be2sod al nas yali shafu ba3ed 3ala al net
ana b2ol lama al ash5as beshufu ba3ed ya3ne batalet 3ala2iton mujarad net w bas saret al 3ala2a akber men hek be kter w sa7 al 7ob al sade2 byenja7 wen ma kan
w al net beser mujarad waselet itesal ben tnen 7abo ba3ed 3ala al net bas lama be shufu ba3ed ma 3adet al 3ila2a 3ela2it net w bas . w tol ma al 3ela2a ba3da bas men wara2 al shashi ya3ne hayde 3ela2et wahim be ra2yi ana . ana la o2min be al 7ob men 5alf shasha .bas o2men be al i3jab w ba3deha yemken yser lega2 men thuma tabda2 al 3awtef tzhar w tban . . tedrabi bedali jadyeh kter be radek ::p
tarab
09-12-2006, 08:10 مساء
ديانا العلاقات على النت ما بتنجح لانه هل الايام كلمة بحبك صارت

موضه قديمه.

اختي ديانا ومين بدو بقولها حتى لالف بنت ولا بيفرق على حدا شيء.

والعطره البنات بتصدق مش عارفه شو بدو منها لانه البنات هل الايام

بس مش كلهن.والزمان اتغير والحب صار لعبه بيلعبها وبحبها الجميع

والضحيه المعطرين.....

الي مش عارفين انه في اوغاد هل الايام هاي...وخاصه بالحب

بعين الله اختي ديانا هيك حال الدنيا وانا اشكرك علي الموضوع

وبجد انا اقيم الموضوع بكل ترحيب 000000
guest1234
09-12-2006, 09:44 مساء
تعليقآ على كلام الأخ طرب يلي بشكره على رده.الشب يلي كلمة الحب عنده لعبة هيدا برأيي إنسان معدوم من شي إسمه إحساس بحب صادق.والبنت انا متلك بحط اللوم عليها لما بدها تأمن للشب من أول الطريق وتصدقه لازم تكون عزة نفسها وكرامتها أكبر من أي شي لحتى يعرف الشب قيمتها إن كان بالنت او الحياة اليومية.

وتعليقآ على رد ديانا انا بهيك امور بحب أعطيك رأيي بصراحة ومن دون تظاهر .هو صح لو نجح الحب من خلال شاشة النت فهيدا مش كافي لتكون العلاقة مكتملة من جميع الأطراف.

بس لازم يكون هالأنسان عازم على إنه هالحب إله نهاية سعيدة مش يحبوا بعض ويعزبوا بعض وأخر شي بتكون ظروفه مش سامحة يتزوج .حرام التلاعب بمشاعر الأخرين اذا ما كان الشب متأكد من نجاح العلاقة.

مع التحية
tarab
09-12-2006, 10:02 مساء
اتمني من كل انسان يرد بكل صراحه لانه موضوع مهم جدا باالنسبه

اللي انا 0

مع تحياتي للجميع
A S A D
09-12-2006, 10:28 مساء
يا جماعا الحب هو ما اكثر من علاقة تجمع شخصين تحت سقف واحد ولكن يجب على كل انسان ان يكون محتاط من علاقته من الشخص الاخر لان عصرنا هذا هو عصر الخيانة والغدر يجب على كل انسان ان يعرف من وكيف يحب
sarab
09-12-2006, 10:30 مساء
السلام عليكم
جميل يا ديانا أنك فتحتيلنا مجال نتناقش فيه حول العلاقات العاطفية عل النت لانه هل شي صار ضرورة ملحة.
الاساس بالموضوع هو عقليات الناس ونوع أخلاقياتهم وتصرفاتهم....
بمعنى الانسان الواضح،الصريح،الصادق.....بيتصرف هيك سواء بالنت أوبلاها.فلمى منتعرف على شخص مو منيح فمو لانه تعرفنا عليه عن طريق النت بل لانه هوي هيك نوعيتو...فاذن النت بتفتحلنا مجال نتعرف على الناس بمختلف شخصياتهم ومبادئهن و نحنا بيحقلنا نختار،وأنا بشوف انو هي بتسهل علينا فهم الاخر بشكل أقوى لانو ما بيكون في تأثير للمظاهر على بصيرتنا مما يخلق مجال أوسع لنستوعب شخص الاخر بشكل أفضل حتى لو حاول أن يصعب علينا ذلك....من هون بقول أنو العلاقة العاطفية بين أثنين ممكن تبلش و تتنمى بس بشرط أنو تاخد بعدين مسارها الطبيعي بانو يصير في لقاء مباشر يلتقي فيه الطرفين تيتأكدو بشكل قطعي أنو فعلا ممكن يكونو مع بعض.
أما بالنسبة انو ينجح هل الزواج أو لا فهيدا بعلم رب العالمين مثلو مثل أي زواج.
تحياتي
A S A D
09-13-2006, 07:53 صباحاً
السلام عليكم مجددا
نحن نتكلم عن الحب عبر النت ,في الاصل لا يوجد حب على النت وحتى لو حصل هذا فحسب رأيي انه مزيف وخداع ان كان من ناحية الشباب او الفتيات هناك تعارف على النت ممكن لهذا التعارف ان يولد مسألة حب عند الاشخاص عند تلاقيهم ببعضهم البعض لا من وراء الشاشة لان هذه الشاشة يمكن للانسان ان يصور نفسه ملاكا ومع الكثير من الاشخاص لانه لا يوجد عنصر رقابة على هذه الشاشة وهذا الذي يحصل ترى الناس يفتحون علاقات مع اكثر من شخص ويتحدثون عن الحب وغيره من اجل نيل بعض اغراضهم الشخصية وهذا خطأ اما بالنسبة لكلمة حب فهي جميلة جدا ولا يوجد شيئ اجمل من هذه الكلمة وبما انها جميلة يجب على كل فرد ان يحافظ عليها ويضعها في مكان آمن حتى لا توضع في سلة المهملات
guest1234
09-13-2006, 08:25 مساء
مممم كلام منطقي أسد بس هالكلام بينطبق على نفس الناس يلي ما بتعرف شو قيمة الحب لما تزيف بحقيقتها ان كان بعلاقة صداقة او حب .الأنسان بكل سهولة فيه ما يعرف الناس عليه بس ما يكذب يكتم احلى ما يكذب والعلاقات الكتيرة بتولد المشاكل.انا ما ضروري كل واحد بالنت يعرفني لأنه هالشي خاص فيني أنا بس ما برر هالشي وروح كذب عالناس حتى ما يعرفوا مين أنا,يمكن من كتر ما منسمع في كذب وغدر وخيانة ونفاق بطلنا نصدق أي إنسان منصادفه .بس لازم نخلي بصيص أمل لأنه الدني والنت والحياة والمجتمع ما بيخلوا من الحب الصادق والصداقة الحقيقية.[center]