يا عساي اْفخر بـ طيبي لا افتخرت

مو كثير اللي لأيامي .. جنيت
مو قليل اللي من اْوهامي خسرت

ياما قلت انّي من الدنيا قويت
والحقيقه: ما على القوّه قدرت !

قد خذيت أشياء لكن ما بغيت
لا رضيت ولا بعد حتى شكرت

فـ المقابل ما كسبت إلاّ لقيت
شيّ يخنق فرحة اللي به ظفرت

كلّ دربٍ تايهٍ به قد خطيت
لين مثله صرْت لكن ما شعرت

تايه / .. مدْري وش اللي له سريت
صامت / .. ما لمْت حدّ ولا عذرت !

ياااه .. كم قلبٍ انا عنّه مشيت
مـ انجبرت أرحل! وربي مـ انجبرت

بس أحس إني إلى البُعد اهتديت
مو تكبّر! بس أنا: [ يمكن .. كبرت ]

والدليل؟ أشيا كثير اللي نسيت
وان بغيت أذْكِر .. كرهت اللي ذكرت

إي كرهت أذْكِر بكائي لا بكيت
بسْ نسيت أنسى أنا كيف انغدرت

هذا كل اللي رفضته أو رضيت
هذا هو اللي أنا منْه انكسَرت

هذا حال العمْر .. يمضي لو أبيت
وآنا ما أرفض ولكن ما صبرت !

بس أببقى لا ذكرت الله وْدعيت
أرجو انّي أبتسم لو مـ انتصرت

يا عسى يزهى بياضي لا نويت
يا عساي اْفخر بـ طيبي لا افتخرت

الجنس :

قويه وربي يسلمووو يديك ياغااالي

الجنس :

عدلےأآسلوبكےوآبشربإحترميے كتب:: قويه وربي يسلمووو يديك ياغااالي

يا عساي اْفخر بـ طيبي لا افتخرت 89777485

عدلےأآسلوبكےوآبشربإحترميے

تسلم اخي على مرورك الرائع
دمت بعافيه